Istilu larriak Irakeko hainbat hiritan, Koalizioak Moqtada Al Sadr buruzagi xiita atxilotzeko agindu ostean

Istilu larriak izaten ari dira Irakeko hiri nagusietan goiz osoan zehar erresistentziako kideen eta indar okupatzaileen artean. Basoran, ehunka xiitek Gobernuaren egoitza erasotu dute; egoitza xiiten esku dago orain. Nayafen, berriz, atzo egun osoan zehar izandako istilu larriak jarraitu egin dute. Al Jaezzera telebista kateak jakitera eman duenez, bi leherketa izan dira goizeko 8:15tan. Bagdaden ere erresistentziako kideetan eta AEBako soldaduen arteko tiroketak izaten ari dira. Bien bitartean, AEBtako soldaduek Moqtada Al Sadren egoitzan sartu dira. Bestalde, AEBtako Apache helikopteroak erresistentziaren zenbait egoitza erasotzen ari dira goiz osoan zehar.