Ez da giro Venezuelan hilaren 14an herrialdeko presidentea aukeratzeko hauteskundeak egin zituztenetik. Horren adibide da parlamentuan atzo gertatutakoa. Elkarri joka aritu ziren gobernuaren aldeko eta oposizioko diputatu batzuk, eta zaurituak izan ziren liskarretan.
Nicolas Maduro Venezuelako presidenteak esan du gertatutakoa ezin dela errepikatu, eta Diosdado Cabello parlamentuko presidenteari eskatu dio "diziplinazko neurriak" har ditzala halakorik berriro gerta ez dadin. "Guk bakea, bizikidetza eta konstituzioarekiko, legeekiko eta ideiekiko errespetua lortzen saiatu behar dugu", azaldu du.
Telebista bidez zabaldutako mezu batean, Madurok esan du ez dagoela ados indarkeriarekin, eta gaineratu du oposizioa "indarkeria probokatzera" zihoala. Twitterren ere hainbat iruzkin idatzi ditu Madurok eztabaidaren harira:
Hay que estar muy atentos a las provocaciones de la derecha Fascistoide. Tenemos que consolidar La Paz y concentrarnos en construir La Patria
— Nicolás Maduro (@NicolasMaduro) May 1, 2013
Henrique Capriles oposizioko buruak, aldiz, gobernua egin du gertatutakoaren erantzule. "Gobernu ustel eta faxista honek ez du aldatuko venezuelarra izateko era", adierazi du Twitter bidez.
El desastre que es este Gobierno y los que están al frente pretenden taparlo con violencia, vamos todos a derrotarlos con la PAZ
— Henrique Capriles R. (@hcapriles) May 1, 2013
