ISTILUAK KANPAINAREN HASIERAN

Egiptoko presidentetzarako bozetako kanpaina istilu artean hasi zen atzo. Joan den larunbatean, manifestari salafisten eta Kairoko Abasiya auzoko bizilagunen arteko liskarretan, lagun bat hil eta 119 lagun zauritu ziren, eta liskarrak izaten ari dira oraindik Abasiya auzoan, Defentsa Ministerioaren aurrean. Atzo, egoitza aurreko errepidea blokeatu zuten manifestariek —irudian—. Hazem Abu Ismail salafistaren hautagaitza atzera botatzeagatik ari dira protestan manifestariak.