Tokiko hedabideek zabaldu dutenez, karea "kontrolik gabe" isuri da. Covanta da errauste plantaren kudeatzailea, eta enpresako bozeramaile batek azaldu du asteazken gauean "kare kopuru txiki bat" isuri dela plantan probak egiten ari ziren bitartean. Astebete zeraman lanean erraustegiak.
Hainbat behargin zeuden lanean, eta horietako 11 St. Vincent's ospitalera eraman dituzte. Bik igaro dute gaua bertan. Galdaretako bat martxan zegoen; baina, istripua gertatu eta gero, itxi egin dute. Ikertzen ari dira zer dela-eta gertatu den, baina osasun eta segurtasun agintariek "gertaera arriskutsutzat" jo dute.
Astebete zeraman martxan errauskailuak. Duela bi hamarkada proposatu zuten proiektua, baina 2014ra arte ez ziren eraikitzen hasi. Apirilean hasi zen errauskailua hondakinak jasotzen, eta joan den astean erre zuen aurrenekoz hondakin sorta bat.
Proiektuak kezka eragin du Ringsend, Irishtown eta Sandymount inguruetan.
