Egutegi politiko estua daukate hemendik aurrera Legebiltzarrak eta Senatuak. Apirilaren 28tik aurrera osatu behar dira bi ganbarak, eta haietako bakoitzeko presidenteak aukeratu beharko dituzte. Apirilaren 28tik hamabost egunera, Legebiltzarrak Italiako presidente berria aukeratu beharko du. Egungo presidente Carlo Azeglio Ciampiren zazpi urteko agintaldia maiatzaren 18an amaituko da. Presidente berria aukeratzeko nahikoa adostasun ez badago, gerta daiteke Ciampiren agintaldia luzatzea. Izan ere, zentro-eskuinak ere begi onez ikusten du. Baina hark 85 urte ditu dagoeneko, eta agintaldi hori behin-behinekoa izango litzateke.
ITALIAKO HAUTESKUNDEAK. Maiatzean, presidentearen aukeraketa
Iruzkinak
Ez dago iruzkinik
Ordenatu
