Italiako mafia talde bateko 45 kide atxilotu dituzte

ERROMA. 45 lagun atxilotu dituzte Italiako carabinieriek, droga trafikoa leporatuta. Ndrangheta mafia italiarrak kontrolatzen zuen negozioa. 2008an hasi ziren kasua ikertzen, eta Hego Ameriketatik Europara droga garraiatzen duen sarea aurkitu dute. Itsasoz garraiatzen zuten droga. Ikerketan zehar 500 kilogramo kokaina atzeman dituzte.