Equitalia enpresa publikora postaz bidalitako bonba batek lagun bat zauritu du gaur eguerdian Erroman. Enpresako zuzendari nagusi Marco Cuccagnari bidali diote fardela, eta hori irekitzen ari zela zauritu da. Hatz bat galdu du eta begi bat ere kaltetu dio leherketak.
Equitalia enpresa zergak jasotzeaz arduratzen da. Polizia orain gertatutakoa ikertzen ari da, baina Pietro Saviotti fiskalaren albokoak esan du jada "atentatu terrorista" izan dela.
Herenegun Josef Ackermann Deutsche Bank konpainiako zuzendariak jaso zuen bolbora zuen gutun bat, Federazio Anarkiko Informal izeneko talde batek hartu zuen eraso saioa bere gain. Iaz Eguberrien aurretik hainbat bonba bidali zituzten postaz, eta horiek ere talde anarkistek hartu zituzten euren gain.
