Nazioarteko erakundeak Asia hegoaldera bideratutako laguntza ahalik eta hoberen zabaltzen dabiltza. Izan ere, bizirik geratu direnek ezinbestekoak dituzte laguntza horiek, bizirauteko. Ura, janaria eta botikak ari dira banatzen, batik bat.
Bien bitartean, hildakoak zenbatzen eta hondamenditik errekuperatzen ahalegin handia ari dira egiren. 150.000 hildako zenbatu dituzte dagoeneko.
Indonesian 94.081 lagun hil dira, Sri Lankan 29.957, Indian 9.451 hil dira eta 11.000 lagun desagertuta daude. Tailandian, berriz, 4.985 hil zenbatu dituzte.
Laguntza beharra
Nazio Batuek esan dutenez, 1,8 milioi lagunek laguntza behar dute, berehala. Horietatik 700.000 Sri Lankan daude, eta han, hiru egunetan laguntza banatzea espero da. Indonesian hori baino denbora gehiago beharko dutela iragarri dute, izan ere, herrialde hori oso gaizki geratu da.
Hondamendia Asia hegoaldean
Itsasikaren ondorioz hildakoak gutxienez 150.000 dira
Atzo bete zen astebete Asia Hegoaldean lurrikara gertatu eta haren ondorioz etorritako olatu handiek milaka lagun hil zituztenetik. Hildakoak zenbatzen ari dira oraindik, eta kopurua gora doa etengabe; orain arte 150.000 zenbatu dituzte, eta gehiagoren bila dabiltza. Bizirik gelditzen direnei ez zaie egoera samurra geratu, jan eskasia dute, eta gaixotzeko arriskua. Laguntza leku guztietara iristen ari dela esan du NBE Nazio Batuen Erakundeak.
Iruzkinak
Ez dago iruzkinik
Ordenatu
