IZEN PROPIOAK . IZEN PROPIOAK

Erlezaina, 45 urte. Azaroak 17 talde armatuko burua izatea egotzita, Atenasen epaitzen ari dira egunotan. «Azaroak 17ren ekintzak terrorismotzat jotzen dituzte. Ez, inperialismoaren ikurrak izan zituen helburu...eta harro gaude horretaz», esan zuen atzo, epaiketa aretoan ziren jarraitzaileen txaloen artean. Koufodinasen taldeak 23 pertsona hil Erresuma Batuko ordezkari militar bat eta CIAk Grezian zuen burua tartean eta 100 bat bonba eraso egin zituen 1975etik. Greziako poliziek gehien bilaturiko gizona izan zen iaz Koufodinas, hainbat aste hondartza nudista batean ezkutatuta izan ondoren, irailaren 5ean taxi bat hartu eta Poliziaren egoitza nagusian azaldu zen.