Bosnia eta Herzegovinan hauteskunde orokorrak egin zituzten atzo. Botoen %76,52 zenbatuta, Bakir Izetbegovic nagusitu da hautagai musulmanen artean; kroaziarren artean, Dragan Covic; eta serbiarren artean, Zeljka Cvijanovic. Horiek osatuko lukete hiruko presidentetza, eta kargu horretan dagoen lehen emakumea izango litzateke Cvijanovic.
Izetbegovicek hautesle musulmanen %33 boto bildu ditu; Covicek, hautesle kroaziarren botoen %52; eta Cvijanovicek, berriz, serbiarren botoen %49. Izetbegovicek nabarmendu du bere alderdiak, SDAk, beste alderdi batzuen babesa bilatuko duela aberastasuna eta lanpostuak sortzeko.
Covicek, berriz, Bosniaren deszentralizazioa eta kroaziarrentzako erakunde politiko propioa babesten du. Cvijanovicek uste du kopresidente bakoitzak bere komunitatearen interesak defendatu behar dituela, Bosnia osoarenen gainetik. %50ekoa izan da abstentzioa.
