Bihar hartuko du Ameriketako Estatu Batuetako (AEB) Gobernuko presidente kargua Barack Obamak, George Bushen partez, eta bart jaialdi erraldoi batean izan da, Washingtonen. Kontzertua egin dute eta 400.000 lagun elkartu dira, hango Poliziak esan duenez. Bruce Springsteen, Shakira, Stevie Wonder edota James Taylor bezalako musikari ezagunek hartu dute parte, eta Tiger Woods golf jokalariak, Martin Luther King III.a politikariak, eta Denzel Washington eta Tom Hanks aktoreek pasarteak irakurri dituzte.
Obamak aitortu du "erronka serioak" izango dituela. Irakeko eta Afganistango gerrak, eta krisi ekonomikoa dira, haren arabera, AEBen erroka horiek. "Bidea luzea izango da baina edozer gauza lor dezakegu. Aldaketa eskatu zuten milioika lagunek eta ez dago eragozpenik traba egin dezakeenik".
Arazo horiei aurre egiteko, estatubatuarren arteko "batasuna" eskatu du, eta itxaropenari eusteko galdegin die.
Gaur Obama eta presidenteorde izango dena, Joe Biden, Martin Luther King zenaren egunean, zenbait ekitalditan izango dira.
Errepublikarra da Bush -zortzi urtean egon da presidente karguan-, demokrata Obama.
Ameriketako Estatu Batuak
Jaialdi erraldoia Washingtonen, presidente berriaren alde
Bihar izendatuko dute Obama AEBetako presidente, eta bart Washingtonen izan da, 400.000 lagunekin, kontzertu-ekitaldian. Bere gobernuak "erronka serioak" izango dituela aitortu du.
Iruzkinak
Ez dago iruzkinik
Ordenatu
