Naoto Kan Japoniako Gobernuko lehen ministroak adierazi du ez dakitela noiz bukatuko den Fukushimako zentral nuklearreko krisia, "zaila baita jakitea", eta aitortu du ez dakitela noiz egonkortuko den egoera. "Prest gaude edozein egoeratarako". Martxoaren 11ko lurrikarak eta tsunamiak kalte handiak sortu dituzte Fukushimako zentral nuklearrean.
"Orain lehentasuna pertsonen osasuna eta segurtasuna da", esan du Kanek.
Apirilaren 11n Japoniako eskualdeetako gobernuek eta adituek biltzarra egingo dute, eta eremu kaltetuenetako egoera hobetzeko neurriak hartuko dituzte —Iwate, Miyagi eta Fukushimakoa—.
"Etorkizun bikaina du Japoniak", esan du Kan lehen ministroak.
