Tadahiro Matsushita Japoniako Gobernuko Finantza ministroa hilda aurkitu dute Tokion, etxean. Polizia kasua ikertzen ari da, bere buruaz beste egin ote duen jakiteko asmoz.
Gaur Finantza Zerbitzuen Agentziaren bilera batean parte hartzekoa zen, baina batzarraren aurretik, ministroak berak deitu egin du, esateko ezin zuela azaldu, NHK telebista kateak esan duenez.
Ostiralean egin zuen jendaurreko azkeneko agerraldia. Ekainetik zen ministro.
