Japoniar batek heriotzara zigortuta 40 urte egin ditu

TOKIO. Japoniako Nagoya hiriko auzitegi gorenak ez du onartu Masaru Okunishi presoari epaiketa berriz egitea. Okunishik 86 urte ditu, eta 1972tik dago heriotzaren korridorean. 1961ean bortz emakume pozoituta hil izana egozten diote. 1964an absoluzioa eman zioten, baina Nagoyako auzitegiak kasua ireki zuen berriro. Okunishik dio Poliziaren torturengatik aitortu zuela krimena.