Jean Luc Melenchon Frantziako Asanbleako diputatuak berak Facebooken argitaratu duen bideo baten bidez jakinarazi du, gaur goizean, Frantziako Polizia bere etxean sartu dela. Bi afera leporatzen dizkiote Jean Luc Melenchoni: Europako parlamentaria zen garaian, parlamentari laguntzaileak funtziorik gabe kontratatu izana, eta 2017ko presidentetzako hauteskundeen diruztatzean iruzurra egin izana. Bere kontrako ikerketa abiatua du Frantziako justiziak.
"Hara. Buru bitxia dudala irudituko zaizue. Gaur 07:00etatik nire etxean miaketa egiten ari direlako da. Ezkerreko Alderdiaren eta Frantzia Intsumisoaren egoitzak ere miatzen ari dira", erranez hasi du bideoa Melenchonek.
Pablo Iglesias Podemoseko idazkari nagusiak bere babesa adierazi dio sare sozialetan frantsesez, azpimarratuta Emmanuel Macron Frantziako presidentea bere gobernuko krisiari aurre egiten ari zaion garai berean gertatu dela polizia operazioa.
Le jour où Macron fait face à la crise de son gouvernement, la police se presente chez @JLMelenchon, leader de l’opposition parlamentaire. Du jamais vu en Europe. Tout mon soutien aux camarades insoumis.
— Pablo Iglesias (@Pablo_Iglesias_) 2018(e)ko urriaren 16(a)
