Ordu eta erdiko ibilbidea zuen aurretik Chavezen hilotzak Caracasen, erietxe militarretik akademia militarrera eramateko. Han jarriko dute hil kapera, eta ostiralean egingo dute hileta. Munduko agintari asko espero dira egun horretan Venezuelako hiriburuan, ehundik gora bai behintzat.
Lehenik, ordea, herritarren agurra jaso du Chavezek, kalean. Ospitale militarrera bidean, hainbat herritar zain egon dira Caracasko kaleetan, hilkutxa noiz pasako zain. Lecuna kalean, esaterako, hainbat herritar batu dira, eta bide bazterrak antolatu behar izan dituzte. Hilkutxa iritsi denean, ordea, txiki geratu dira txoko guztiak.
Venezuelaz gain, munduko leku askotan ere agurtu dute Chavez.
