Jimena urakanak bosteko indarra hartu du gaur, Saffir-Simpsonen eskalan mailarik altuena, arriskutsuena, adituen arabera. 250 kilometro orduko haize ufadak ditu. Ozeano Pazifikotik Kalifornia Beherera doa eta, Mexikoko Zerbitzu Meteorologikoak adierazi duenez, arriskua "larria" da.
Iparralderantz hamazazpi kilometro orduko abiaduraz mugitzen ari da Jimena eta gaur gauean espero dute Mexikoko lurretara iristea. Gehien astinduko duen ingurua Kalifornia Behereko ipar eta hegoaldea izango dira.
Urakanagatik alertan, Kalifornia Behereaz gain, Mexikoko Sinaloa, Nayarit, Jalisco eta Colima estatuak daude. Dena den, adituen arabera, litekeena da hurrengo orduetan urakanaren indarra laugarren mailara jaistea.
Mundua
'Jimena' urakana, mailarik arriskutsuenean
Ozeano Pazifikotik Kalifornia Beherea estatura doa.
Iruzkinak
Ez dago iruzkinik
Ordenatu
