Jupperen auzian epaileak presioa jasan duen ikertuko dute

Dominique Perben Frantziako Justizia ministroak Alain Juppe UMP alderdiko presidentearen auzian epaileak ustez jasandako presioak ikertuko dituela iragarri zuen atzo. Hori dela eta, ikerketa judiziala hasteko eskatu zuen.

Izan ere, Catherine Pierce Nanterreko epaitegiko buruak Alain Jupperen aurkako epaiketan presioak izan zituela salatu zuen elkarrizketa batean.Epaitegiak alderdien legez kanpoko finantzaketarengatik, 10 urterako inhabilitatu eta 18 hilabeteko kartzela zigorra betetzera kondenatu zuen Juppe ostiralean.