Eskubide sozialak ez dira bertan behera uzten: lanpostu duinak, eskubide sozialak eta benetako demokrazia lelopean, manifestazio jendetsua egin dute gaur Bartzelonako kaleetan, azken hilabeteetan Espainiako Auzitegi Konstituzionalak hartutako erabakiak salatzeko. Besteak beste, bertan behera utzi ditu Konstituzionalak larrialde energetikorako legea eta berdintasunekoa.
Instituzioetako ordezkari ugari ere izan dira manifestarien artean, besteak beste, parlamentuko presidente Carme Forcadell, ERCko buru eta Generalitateko presidenteorde Oriol Junqueras eta Generalitateko bozeramaile Neus Munte.
Kataluniako Bizilagunen Elkarteen Konfederazioko presidenteak hartu du hitza, Jordi Girok: "Nahikoa da gizartearentzat oinarrizkoak diren legeak bertan behera uzteaz". ERCren izenean, berriz, Gabriel Rufianek hitz egin du, eta ohartarazi ez dutela inoiz gehiago "baimena" eskatuko.
