Kanarietara bidean hemezortzi lagun hil dira itsasoan

LANZAROTE. Gutxienez hemezortzi lagun hil ziren atzo goizaldean Kanarietara bidean, Caminando Fronteras gobernuz kanpoko erakundeko Helena Malenok Twitterren esan zuenez. Kostazainek bazuten ontziaren berri, baina laguntza berandu heldu zen. «Ez badatoz, hil egingo gara; ezin dugu iraun ordu erdi gehiago ere», esan zion ontziko bidaiarietako batek erakundeari.