Karen gerrillari bati zigorra barkatu diote Myanmarren

NAYPYIDAW. Myanmarko Gobernuak zigorra barkatu dio bizi arteko kartzelara kondenatuta zegoen karen etniako gerrillari bati, Mahn Nyein Maungi. Karenen Batasun Nazionala alderdiak gerrillaria aske uzteko exijitu zion gobernuari bake negoziazioekin jarraitzeko. Alderdiko presidenteordeak herrialdeko presidentearen keinua eskertu du. Hilabete honetan elkartuko dira berriz karen gerrillariak gobernuarekin negoziatzen jarraitzeko.