Istripuaren ondorioz, dorrean lanean ari ziren hamar langileetatik zazpi hil egin dira. Hiru lagun desagertuta daude, justu ordu horretan txanda aldatzen ari ziren langileak, eta gogailuan lanera sartzekotan zeuden langileak dira desagertuak. Lau zauritu larri ere izan dira istripuan.
Motorraren arazo tekniko batek eragin omen du ezbeharra. Gertatu zenetik desagertutakoak bilatzeko lanetan ari dira, bai uretan baita lehorrean ere. Jolly Nero kargaontziko kapitaina galdekatzen ari da Polizia zer gertatu zen jakiteko, baina oraindik ez dute informaziorik eman.
