Espainiako Prozedura Kriminalerako Legearen 384 bis artikulua aintzat hartu zuen Pablo Llarenak eta, gaurko erabakiaren ondorioz, Kataluniako Parlamentuko diputatu kargua eten diete Oriol Junquerasi, Raul Romevari, Jordi Sanchezi, Josep Rulli, Jordi Turulli eta Carles Puigdemonti. Parlamentariei kargua etenda, subiranismoak gehiengoa galduko du ganberan, baldin eta ez badituzte auzipetuak beste diputatu batzuengatik ordezkatzen.
Matxinadagatik auzipetuta daude, era berean, Joaquim Forn, Clara Ponsati, Dolors Bassa, Marta Rovira, Carme Forcadell eta Jordi Cuixart. Udazkenean da hastekoa haien kontrako ahozko epaiketa, eta delitu horrengatiko kartzela zigorra 30 urtekoa da gehienez. Guztira, 25 buruzagi subiranista daude auzipetuta.
