Kargua laga du Defentsa ministro britainiarrak

LONDRES. Liam Fox Erresuma Batuko Defentsa ministroak dimisioa eman du eskandalu kasu batengatik. Foxek aitortu duenez, Adam Werritty lagunak hemezortzi bidaia ofizialetan lagundu zion, eta 22 aldiz bildu zen harekin Defentsa Ministerioan hark kargu ofizialik izan gabe. Foxek barkamena eskatu du, «bizitza pertsonala profesionaletik bereizten ez jakiteagatik». Philip Hammond izango da Defentsa ministro berria.