Bere aurka azken orduetan izandako erasoekin amaitzeko dimititzeko erabakia hartu duela azaldu du Calderoli ministro italiarrak. Italiako presidente Silvio Berlusconik ministroaren dimisioa eskatu zuen karikaturak zituen kamisetaren irudiak ikusi bezain laster. Italiako legearen arabera Berlusconik ez dauka Calderoliri dimisioa aurkeztera behartzeko indarrik.Hasiera batean, Calderolik ez zuen dimisioa aurkezteko asmorik. Ondoren baina, Umberto Bossi bere alderdiko buruak eskatuz gero kargua uzteko prest agertu zen ministroa.
Mila lagun inguru bildu ziren Libian Italiako enbaxadaren aurrean karikaturak zituen kamiseta horien aurka protesta egiteko. Enbaxadako lehen solairuari su eman zioten baita auto bati ere. Ez zen zauriturik egon. Poliziak, malko gasa erabili zuen eta manifestarien aurka tiro egin zuen. Poliziaren eta manifestarien arteko liskarretan 10 lagun hil ziren Dominico Bellatoni Libanoko Italiako enbaxadako idazkari nagusiak jakinarazi zuenaren arabera.
Mahomaren karikaturak
Karikaturak zituen kamiseta jantzi zuen Italiako ministroak dimititu egin du
Silvio Berlusconi Italiako lehen ministroak eskatu bezala, Roberto Calderoli Italiako Erakundeen Erreformetarako ministroak dimisioa eman du gaur. Calderolik Mahomaren karikaturak zituen kamiseta bat jantzi zuen eta atzo. Horren aurka protesta egiteko manifestazioa egin zuten atzo Libian Italiako enbaxadaren aurrean eta hamar lagun hil ziren.
Iruzkinak
Ez dago iruzkinik
Ordenatu
