Katsav Israelgo presidente ohia espetxean sartu dute

TEL AVIV. Moshe Katsav Israelgo presidente izandakoa atzo hasi zen betetzen zazpi urteko espetxe zigorra, bortxaketagatik eta beste hainbat sexu deliturengatik. Bi helegite aurkeztu bazituen ere, ez dituzte onartu. Atzo etxetik atera zenean esan zuenez,«egunen batean israeldarrek ulertuko dute gizon bat bizirik lurperatuko dutela». Zaintza berezia izango du kartzelan, ustez bere buruaz beste egiteko duen arriskuagatik.