Kazetari bat eta beste 27 lagun hil dituzte Sirian

DAMASKO. Siriako Homs hirian Gilles Jacquier Frantziako kazetaria hil dute, beste zortzi zibilekin batera, eta harekin zihoan kameraria zauritu dute, lehergailu bat jarrita. Siriako presidente Baxar al-Assaden aldeko manifestazioan gertatu da erasoa. Gainera, 19 lagun hil dituzte armadaren erasoetan. Bestalde, Arabiar Ligako behatzaile batek Siria utzi du; «egoera beldurgarriak» ikusi dituela eta Siriak behatzaileak kontrolatzen dituela salatu du.