Kofi Annan Nazio Batuen Erakundeko idazkari nagusi ohia aukeratu dute Siriako gatazkaren amaieran lan egiteko ordezkari berezi gisa. NBEk eta Liga Arabiarra hitzartu due hura aukeratzea, eta haren helburua izango da indarkeriaren eta giza eskubideen urraketarekin amaitzea eta konponbide politiko bat lortzea.
NBEk jakinarazi du Annanek "alde guztiekin" hitz egingo duela, bai Sirian daudenekin, baita herrialdetik kanpo daudenekin ere.
Bitartean, 20 lagun hil dituzte Baxar al Assaden aldekoek; gehienak, Homs hirian.
Errusiak begia onez hartu du erabakia
Kofi Annan ordezkari berezi izendatzeko erabakiarekin ados agertu da Errusia eta adierazi du ordezkariaren lana Siriako gobernuaren eta oposizioaren arteko elkarrizketa ahalbidetzea behar duela izan. Halaber, NBEko idazkari nagusi izandakoari laguntzeko prest dagoela esan du. Errusia eta Txina NBEaren eskuarzearen aurka agertu dira azken hilabeteetan.
