Kolerari aurre egitea zaildu du indarkeriak Haitin

PORT-AU-PRINCE. NBE Nazio Batuen Erakundeak ohartarazi duenez, azken egunetako liskarrek koleraren aurkako borroka zaildu dute. Erakunde horren arabera, indarkeriagatik ezin izan dira gaixo dagoen jende guztiarengana iritsi. Koleragatik, dagoeneko 1.186 lagun hil dira, eta 49.418 artatu dituzte ospitaleetan. Abenduaren 3an NBEko Batzar Nagusia da biltzekoa, Haitiko egoera aztertzeko.