Kolonbiako bortz polizia hil dituzte segada batean

BOGOTA. Kolonbiako Nariño departamenduan bortz polizia hil eta hiru zauritu zituzten atzo segada batean. Angelino Garzon presidenteordeak adierazi du «legez kanpoko talde armatuak» izan direla erasotzaileak, baina ekintza ez dio erakunde jakin bati egotzi. Ekuadorko mugatik gertu izan da erasoa. Iragan asteburuan bertze bortz polizia hil zituzten Venezuelako mugatik gertu.