Parlamentuak onarpena eman duen egun berean, ANC Kataluniako Biltzar Nazionalak adierazi du garaia dela Kataluniak independentziaren gaineko iritzia emateko kontsulta "azkartzeko", eta ez "atzeratzeko". ANCko kideen arabera, 2014ko maiatzaren 31 baino lehen egin beharko litzateke kontsulta hori.
"Gero eta gehiago atzeratu, gero eta arazo gehiago", esan du Angels Folch ANCko ordezkariak. Folchek adierazi du hasierako bide orriari eusten diotela eta ez dutela ezer atzeratzeko asmorik. "Espero dugu inork ez izatea horretarako asmorik".
ANCk hilaren 16an egin zuen biltzarra, eta han jakinarazi zuten irailaren 11n independentziaren aldeko giza katea egingo dutela.
