Kurdueraz egitea debekatu diete 151 auzipetuei

DIYARBAKIR. PKK Kurdistango Langileen Alderdiarekin harremanak izateagatik epaitzen ari diren 151 ekintzaile eta politikari kurduei euren hizkuntzan egitea debekatu zieten atzo epaileek. Europako Parlamentutik joandako nazioarteko begiraleek «krimentzat» jo dute erabakia. Horretaz gain, atzera bota dute sententzia jakin bitartean preso dauden kargu publikoak aske uzteko defentsako abokatuen eskaera.