94 urte ditu Mandelak, eta eta biriketako infekzio baten ondorioz ospitaleratu dute. Medikuek esan dute egonkor larri dagoela baina bere osasun egoera egonkortu egin da. Martxoan gaitz beragatik ospitaleratu zuten, eta apirilaren 6an jaso zuen senda-agiria.
Gaur goizalean eraman dute ospitalera berriro, etxean zela okerrera egin ondoren. Johannesburgon eta Qunun bizi da Mandela, eta uneoro medikuak ditu berarekin. "Mediku onenen zaintza du hobera egin dezan eta egoera onenean izan dadin", esan dute ospitalean.
Ahul
2010. urtean agertu zen azkeneko aldiz jendearen aurrera, eta bideoz zabaldu diren azken irudietan ahul ikusten zaio. Zenbait iturriren arabera, espetxean zela jasan zuen tuberkulosiak eragiten ari zaizkio osasun arazoak. 67 urtez borrokatu zen Mandela apartheid-aren aurka. 1993an Bakearen nobel saria jaso zuen, eta hurrengo urtean Hego Afrikako lehen presidente beltza izan zen.
Jacob Zuma presidenteak errespetua eskatu du Mandelarentzat eta bere familiarentzat. Gobernuak ez du esan zein ospitaletan dagoen, baina Pretoriako Ospitalaren sarrerak hainbat hedabide daude, baita Mandelaren etxe aurrean ere. Hego Afrikako alderdi, sindikatu eta eragileek lehenbailehen osatzea espero dutela esatera atera dira gaur.
