Australiako Gobernuak larrialdi egoera ezarri du gaur Wagga Wagga hirian, uholdeak direla eta 9.000 lagun inguru etxetik aterarazi ondoren. Sidneytik 458 kilometrora dago hiria, eta Murrumbidgee ibaiak gainezka ez egiteko 11 metroko hesia ezarri dute.
Ibaiaren maila 10,32 metrora heldu da bart, eta datozen orduetan 10,90 metrora heltzea espero dute —maila altuena 1853. urtetik—.
Dagoeneko 13.000 lagun aterarazi dituzte etxetik Hegoaldeko Gales Berriko estatuan.
