Siriako armadaren hogei bat tanke sartu ziren atzo Latakian; ipar-mendebaldeko hiri horretan 20.000 lagun inguru atera ziren kalera bezperan erregimenaren kontra protesta egitera. Siriako Giza Eskubideen Behatokiaren arabera, tiroak entzun dira hirian, eta herritarrak ihesean doaz.
Damasko, Homs eta Halab hirietan ere protestak egin zituzten atzo, eta hiri horietan guztietan hildakoak izan ziren. Omar Edelbe Tokiko Batzordeen Koordinazioko bozeramailearen hitzetan, gutxienez zazpi lagun hil zituzten hiri horietan. Bezperan, berriz, gutxienez hemeretzi lagun hil zituzten Sirian. Jainkoaren aurrean baino ez gara belaunikatuko protesta egunera deitu zuten herritarrek ostiralerako.
Latakian sartu da Siriako armada, eta herritarrak ihesean doaz
Iruzkinak
Ez dago iruzkinik
Ordenatu
