Lau alderdiz osatutako gobernua eratu du lehen ministroak

Nepalgo lehen ministro Sher Bahadur Deubak lau alderdiz osatutako gobernua eratu zuen atzo, hain justu, 2002ko urrian Gyanendra erregeak Gobernua eta Legebiltzarra bertan behera utzi zituenetik osatzen den alderdi askotako lehen gobernua. Bakea lortzea eta bozetara deitzea izango dira gobernu berriaren lehentasunak. Bitartean, atzo 12 polizia eta zibil bat hil ziren Parsa eskualdean, maoisten eraso batean.