Lau palestinar hil ditu Israelek Ramalan

Lau palestinar hil eta beste 20 zauritu ditu Israelgo Armadak, Ramalan. Lau lagun atxilotu dituzte. Dozena bat ibilgailu blindatu sartu dira hirian, tiroketa izan da, eta gutxienez lau lagun hil dira. Atxiloketak egiteko ohiko operazioa izan dela jakinarazi du Israelek.

Bi hildako Hamasen eta Al Fataren arteko borroketan

Gaur ere izan dira Palestinan Hamasen eta Al Fataren arteko borrokak, Gazan, eta, horien ondorioz, bi lagun hil egin dira eta bi zauritu. Hildakoen artean, bi taldeetako kide bana dago.

Atzo bost lagun hil ziren eta hamabi zauritu, eta Hamasek eta Al Fatak euren kide armatuak kaleetatik ateratzea adostu zuten. Akordioa ez dute bete, baina. Elkarri leporatu diote hitzartutakoa bete ez izana.