Le Penen eta Melenchonen arteko borroka barruti berean

Hauteskunde kanpainan protagonismo handia hartu du Marine Le Pen Fronte Nazionaleko buruaren eta Jean-Luc Melenchon Ezkerreko Fronteko liderraren arteko buruz burukoak. Izan ere, biak barruti berean aurkeztu dira, Henin-Beamonten, Frantzia iparraldean. Bata ala bestea aulkirik gabe geratuko da Asanblea Nazionalean, eta elkarri bidali dizkioten mezuek tentsioa areagotu dute. «Demokraziaren oka» izatea egotzi dio Le Penek, «Kubaren diktaduraren eta Txinaren alde egiten duelako». Hamabost urte igaro eta gero, FNk legebiltzarrera itzuli nahi du, eta presidentetzarako bozetan izandako emaitza onak aprobetxatuta. Baina Melenchonek ere emaitza ona lortu zuen, laugarren postuarekin.