Leherketa bat izan da Casablancan, goizean bi lagun hil diren auzoan

Goizean Casablancan (Maroko) Fida auzoan bi lagun hil dira Poliziarengandik ihesi zihoazela eta arratsaldean leherketa bat izan da (han zegoen kazetari baten arabera, gizonezko batek soinean zeraman lehergaia zartarazi du, baina oraindik ez dago datu gehiagorik).

Goizean Poliziarengandik ihes egin nahian zebiltzala, iturri ofizialen arabera ekintzaile islamistak ziren bi lagun hil dira goizean Casablancan. Bat polizien tiroek harrapatuta hil da; besteak, berriz, soinean zeraman lehergaia zartarazi du beste irtenbiderik gabe atxilotzeko zorian zegoenean.

Marokoko agentzia ofizialaren arabera, martxoaren 11n Casblancako ziberkafetegi batean gertatu zen erasoarekin zerikusia zuten hildako bi lagunek, eta atentatu horren nondik norakoak ikertzean atzeman dituzte. Hain justu, ikerketa horren ondorioz 30 bat laguneko ekintzaile islamisten sarea atzematea lortu dutela erantsi dute.