Lepoa moztuta, jihadistek hogei kopto inguru hil dituzte asteburuan. Horri erantzuteko, Egiptok hainbat eraso egin ditu bart EIren Libiako postuen kontra. "Herriaren egonkortasuna eta segurtasunaren defentsan" eginiko erasoa dela argudiatu du Egiptoko Armadak.
Egiptoko Armadak airez egin du erasoa, eta zehaztu du koartelak, armak biltegiak eta entrenamendu tokiak erasotu dituela. Eman dituzten datuen arabera, ISISeko 40-50 miliziano hil dituzte. Baina erasoan gutxienik bost zibil hil dituztela salatu dute Bengasiko berri iturriek. Horietako hiru haurrak lirateke.
