Saint Louis konderriko Ferguson hirian (Missouri, AEB), istilu larriak piztu dira, asteburuan Poliziak 18 urteko gazte beltz bat hil ostean. Lekukoen arabera, Michael Brownek ez zuen armarik, eta bere burua entregatzera zihoala egin zion tiro Poliziak.
Zenbait iturriren arabera, tiro bat baino gehiago zituen gazteak, eta aurkitutako bala guztiak Poliziarenak dira. "Poliziak ez digu ezer esan nahi izan, ez duelako esateko ezer", salatu du gaztearen amak. Brownekin batera zihoan gazte batek, berriz, adierazi du errepidetik zihoazela oinez, eta polizia patruila batek geldiarazi eta espaloitik joateko agindu ziela. Eztabaida baten ostean, ihesari eman zion Brownek, eta tiro egin zion Poliziak.
Aldiz, Poliziaren buru Jon Belmarren arabera, gazteak "eraso" egin zion Poliziari, eta hura geldiarazten ahalegindu zirenean, autotik egin zieten tiro.
Ez da halako lehen kasua. Duela hilabete, beste gazte beltz bat hil zuen Poliziak, New Yorken, hura ere armarik gabekoa, lekukoen esanetan.
Brownen hillketaren berri jakin eta berehala hasi ziren protestak auzoan, eta egunak joan ahala hiri osora zabaldu dira. Hirugarren egunez, Poliziak hiria hartu du, eta gogor erantzun die manifestariei, negar gasarekin eta egurrezko balekin. Zenbait iturriren arabera, Poliziak bi manifestariri egin die tiro gaur goizaldean. Ez dago haien egoeraren berririk. Hiru eguneko istiluetan zauritu eta atxilotu ugari izan dira.
With backs to police crowd chanting "we are Michael Brown" Police: "disperse." 1 man shouting "shoot" #Fergusonpic.twitter.com/ftWRKP0TXe
— Casey Nolen KSDK (@CaseyNolen) August 13, 2014 .@ksdknews confirms woman shot in head, condition unknown, police searching for 4 suspects in #Ferguson— Casey Nolen KSDK (@CaseyNolen) August 13, 2014 La policía de #Ferguson balas de MADERA* a gente en protesta pacífica *También gas y #balasdegomapic.twitter.com/6QWdaj6MiD Vía @OccupyOakland
— Okokitsme (@okokitsme) August 13, 2014Istiluek okerrera egin dutela ikusita, AEBetako presidenteak komunikatu bat plazaratu zuen, atzo Fergusongo herritarrei "lasaitasuna" eskatzeko. "Elkar indartu behar dugu eta zauriak sendatuko dituen moduan hitz egin, inori minik egin gabe. Otoitz egin behar dugu, hori baita Michaelek eta bere familiak merezi dutena".
Kontrolpean
Inguruko barrutietaik etorritako polizia ugarirekin indartu dute hiriko segurtasuna; Ed Kuntz, Saint Louiseko poliziaren bozeramaleak adierazi du, operazio taktiko berezietrako talde bat ere (SWAT) hedatu dela hirian zehar, datozen egunetan bart gauekoa ez errepikatzeko asmoz.
Ferguson hirian biztanleriaren gehiengoa beltzek osatzen dute; Polizian ordea zuriak dira gehienak. Tentsioa areagotuz joan da azken hilabeteotan hiritarren eta poliziaren artean, eta Michael Brown gaztearen heriotzaren osteko gaubeilan, lehertu egin da.
