Lombardiako presidenteak bozetara deitu du

ERROMA. Roberto Formigoni Italiako Lombardia eskualdeko presidenteak iragarri du hauteskundeetara deituko duela. Silvio Berlusconiren alderdikoa da Formigoni, eta azken asteetan haren hainbat aholkularik kargua utzi dute, ustelkeria kasu batekin zerikusia dutelakoan. Hurrengo asteetan teknokraten batzar bat osatuko dute, bozetara «azkar» deitzeko.