Londresek dirua emango die hiru irakiarren senideei

Erresuma Batuko Gobernuak kalte-ordainak emango dizkie euren atxiloketan, eta ustez tratu txar eta torturen ondorioz, hil ziren hiru irakiarren senitartekoei. Irakeko gerraren gudaldi nagusiak amaitutzat eman zirenetik, iazko maiatzaren 1etik, 23 kalte-ordain eskari helaraziak izan zaizkie agintaribritainiarrei eta, orain arte, aipatutako hirurek baino ez dituzte onartu. Kalte-ordainerako dirua jaso dutenen artean daude 26 urte zituen Baha Musaren senideak. Bi haurren aita hau iazko irailaren 14an atxilotu zuten soldadu britainiarrak eta zenbait egun geroago gorpu bueltatu zioten familiari, tortura zantzu eta guzti.