Madrildik gertu, leherketa batean bost militar hil dira

MADRIL. Nahi gabeko leherketa batean bost militar hil eta hiru zauritu dira Hoyo de Manzanaresen (Espainia) dagoen akademia militarrean, Madrildik gertu. Hiru sarjentu, kaporal bat eta soldadu bat dira hildakoak; hiru lurreko armadakoak eta bi itsasokoak. Trebatze ariketa bat egiten ari zirela gertatu da leherketa, NBEk Libanoko hegoaldean duen misioan parte hartzekoak baitziren.