Madrilgo erasoekin lotura dutelakoan, hiru pertsona atxilotu dituzte, eta beste sei aske dira

Ustez martxoaren 11ko erasoekin zerikusia izateagatik atxilotuta zeuden sei pertsona aske utzi zituen atzo Espainiako Auzitegi Nazionaleko Juan del Olmo epaileak. Ondoren, beste hiru pertsona atxilotu zituen Espainiako Poliziak erasoekin zerikusia izatea leporatuta. Atxilotu bat marokoarra da, bestea Egiptokoa eta hirugarrena, berriz, Saudi Arabiakoa.