Mahoma profetaren garaiko ekitaldi wahabita

Mubaia izeneko ekitaldiaren baitan hartu zuen atzo errege kargua Abdulak. Mahoma profetaren garaiako errito wahabitako tradizioa da mubaia. Herritarrek euren sostengua erakusten diote horrela erregeari. Sultanek printze kargua hartu zuen ekitaldi berean. Riaden milaka pertsona bildu ziren, tartean, buruzagi tribalak, klerikoak, alkateak eta hamalau eskualdeetako gobernadoreak. Eskua eman zien guztiei erregeak. «Koran liburu sakratuan profetak ezarri zuena betetzen ari gara. Egun handi bat da», esan zuen kleriko batek. Fahd erregea hil eta bi egunera hartu du kargua Abdulak. Anaiordea gaixo jarri zenetik ari zen, baina, errege funtzioak egiten.