Amadu Haya Sanogo Maliko militar matxinoen buruzagiak esan du bere misioa «nazioa salbatzea» dela, eta ez duela boterean betikotzeko asmorik. «Azken hamar urteetan herrialdea hondoratu dute, eta hori aldatzeko gaude hemen», gaineratu du. Nazioarteak, baina, aho batez kritikatu du Amadou Toumani Toure presidentetzatik kanporatzeko militarrek egin duten estatu kolpea.
«Dena gaizki dago, eta horregatik hartu ditugu armak», azaldu du Sanogok. «Ez dago segurtasunik, hezkuntza sistema kaskarra da, eta bizi-baldintzak oso zailak». Toureren berririk ez du eman, baina, gobernuko ministroak atxilotuak dituztela azaldu du.
AB Afrikako Batasunak esan du ustez Toure Bamako hiriburuan dagoela, enbaxada batean, haren aldekoek babestuta. Baina ezin izan du informazio hori baieztatu. ABkoek estatu kolpea gaitzetsi dute, eta Mali erakundetik kanporatzea erabaki dute.
NBEren kritikak
Militarren estatu kolpearen kontra egin du NBE Nazio Batuen Erakundeko Segurtasun Kontseiluak ere. Demokratikoki aukeratutako gobernuak berriz ere agintea hartzea exijitu du, eta militarrei kuarteletara itzultzeko eskatu die.
Maliko militar matxinoen buruak dio ez duela boterean betikotu nahi
Nazioarteak aho batez kritikatu du kolpea; NBEren Segurtasun Kontseiluak ordena berrezartzea eskatu du
Iruzkinak
Ez dago iruzkinik
Ordenatu
