Manifestariak hiltzeaz egotzitako bortz polizia errugabetu dituzte

Hosni Mubaraken aurkako matxinadan manifestariak hiltzeaz akusatutako Poliziako bortz ofizial errugabetu ditu justiziak. Bi kasuren ebazpena eman dute egun berean. Batean, Mansourako Auzitegi Kriminalak Daqahliako probintziako lau ofiziali eman die absoluzioa —Kairotik ipar-ekialdera—. 2011ko urtarrilaren 26-31 artean Daqahlian izandako protestetan manifestarien aurka oldartzeko agenteei bala tiroak jaurtitzea agindu izana leporatzen zieten. Biktimen senideek justizia sistema «garbitu» beharra aldarrikatu dute. Bertze kasuan, berriz, Kairoko Auzitegi Kriminalak Poliziako kapitain bat errugabetu du 2011ko urtarrilaren 28an hiriburuan manifestari bat hil izanaren akusaziotik.