Marokoko 60 herritan protesta deia zabaldu dute

RABAT. Marokoko Otsailak 20 gazte mugimenduak protesta martxak antolatu ditu datozen ostiraleko hauteskundeei boikota egiteko. Ezker muturreko alderdiek eta talde islamistek osatzen dute mugimendua, eta azken asteetan hainbat taldekide atxilotu dituzte boikotarekin loturiko kale ekintzak egiteagatik. Pobreziaren aurkako eta ustelkeriaren kontrako ohiko mezuez gain, bozetara ez joateko deia zabaldu nahi dute, estatua demokratizatu dadila eskatzeko.