Marokoko Parlamenturako bozetan parte hartze txikia izan da

Marokoko Parlamentua aukeratzeko bozetan parte hartzea oso baxua izan da,%45ekoa, hain zuzen. Hala ere, hori ez da ehuneko erreala; izan ere, 21 milioi lagunek zuten boto eskubidea, baina soilik 13.5 milioik eman dute botoa emateko izena. Beraz, botoa emateko eskubidea zutenen %27 joan dira botoa ematera; alegia, ia 6 milioi lagun. Bestalde, 3.200 ikuskatzaile izan dira bozen zuzentasuna «bermatzen».

Parlamentua aukeratzeko hauteskundeak iragan martxoan Mohamed IV.a Marokoko erregeak hasitako erreforma aldiaren azken urratsa izan dira. Uztailaren 1ean konstituzioaren aldaketa onartu zuten galdeketa bidez.